முதியோர் பராமரிப்பு சேவை உதவியாளர் பயிற்சிக்கு சேரலாம்

கிருஷ்ணகிரி, கிருஷ்ணகிரி அரசு மருத்துவக் கல்லுாரி மருத்துவமனையில், முதியோர் பராமரிப்பு சேவை உதவியாளர் பயிற்சி வகுப்புகளில் சேர விண்ணப்பிக்கலாம்.இது குறித்து, கல்லுாரி முதல்வர் பூவதி வெளியிட்டுள்ள அறிக்கை:கிருஷ்ணகிரி அரசு மருத்துவக் கல்லுாரியில் முதியோர் பராமரிப்பு சேவை உதவியாளர் சான்றிதழ் படிப்பிற்காக, 25 மாணவ, மாணவியர் சேர்க்கைக்கு, அரசு அனுமதி அளித்துள்ளது. இச்சான்றிதழ் படிப்பு சர்வதேச முதியோர் தினமான, ஜூலை, 1 முதல், துவங்கப்பட உள்ளது. இதில் பயில, கிருஷ்ணகிரி மாவட்டத்தை சேர்ந்த, 10ம் வகுப்பு முடித்த மாணவ, மாணவியராக இருக்க வேண்டும். மூன்று மாத சான்றிதழ் வகுப்புக்கான மாணவர் சேர்க்கையில், கல்லுாரி முதல்வருக்கே முழு அதிகாரம் உள்ளது.வரும், ஜூலை 1 முதல், செப்., வரை முதியோர் பராமரிப்பு சேவை உதவியாளர் சான்றிதழ் வகுப்புகள் நடக்கும். இதில் சேர விருப்பம் உள்ளவர்கள் வரும், 25 மாலை, 5:00 மணிக்குள் விண்ணப்பத்தை நேரடியாகவோ அல்லது கிருஷ்ணகிரி அரசு கல்லுாரி முதல்வர் அலுவலகத்தில் சேருமாறு தபாலிலோ அனுப்பலாம். இதற்கான கட்டணம் முற்றிலும் இலவசம்.இவ்வாறு, அவர் தெரிவித்துள்ளார்.