செப்.7ல் மீனாட்சி கோயிலில் பக்தர்களுக்கு அனுமதி இல்லை
மதுரை: செப்.,7 ல் சந்திரகிரகணம் இரவு 9:57 மணிக்கு துவங்கி அதிகாலை 1:26 மணிக்கு முடிகிறது. இதையொட்டி அன்று மதுரை மீனாட்சி அம்மன் கோயில் மற்றும் அதன் உபகோயில்களில் மத்திம காலதீர்த்தம், மத்திம கால அபிஷேகம், மத்திம காலசுவாமி புறப்பாடு காலை 11:41 மணிக்கு நடைபெறும். அன்று மதியம் 12:30 மணிக்கு மேல் பக்தர்கள் தரிசனம் செய்ய இயலாது. செப்.8 முதல் வழக்கம் போல் தரிசனம் நடைபெறும். இதே நடைமுறை 22 உபகோயில்களிலும் பின்பற்றப்படும் என மீனாட்சி கோயில் நிர்வாகம் அறிவித்துள்ளது.