மதுரை - ஓகா இடையே சிறப்பு ரயில்கள் இயக்கம்

மதுரை: குஜராத் மாநிலம் ஓகாவில் இருந்து மதுரைக்கு வாராந்திர சிறப்பு ரயிலை மேற்கு ரயில்வே அறிவித்துள்ளது. நவ., 3 (இன்று) முதல் 24 வரை திங்கள் தோறும் ஓகாவில் இருந்து இரவு 10:00 மணிக்கு புறப்படும் சிறப்பு ரயில் (09520), வியாழன் காலை 11:40 மணிக்கு மதுரை வரும். மறுமார்க்கத்தில் நவ., 7 முதல் 28 வரை வெள்ளி தோறும் அதிகாலை 4:00 மணிக்கு புறப்படும் சிறப்பு ரயில் (09519) ஞாயிறு காலை 10:20 மணிக்கு ஓகா செல்லும். இந்த ரயில்கள் கொடை ரோடு, திண்டுக்கல், மணப்பாறை, திருச்சி, ஸ்ரீரங்கம், விழுப்புரம், திருவண்ணாமலை, வேலுார், காட்பாடி, ரேணிகுண்டா வழியாக இயங்கும். ஒரு 'ஏசி' இரண்டடுக்கு படுக்கை வசதி, 3 'ஏசி' மூன்றடுக்கு படுக்கை வசதி, 10 'ஸ்லீப்பர்' பெட்டி, 4 பொது, 2 மாற்றுத் திறனாளிகளுக்கான பெட்டிகளுடன் இயக்கப்படும். இதற்கான முன்பதிவு இன்று (நவ., 3) காலை 8:00 மணிக்கு துவங்குகிறது.