மாநில ஹாக்கி போட்டிகள்

திருநகர்: மதுரை திருநகர் ஹாக்கி கிளப் சார்பில் அண்ணா பூங்காவில் மாநில ஹாக்கி போட்டிகள் பிப்.,18ல் துவங்கியது.நான்காம் நாளான நேற்றைய போட்டிகளின் முதல் ஆட்டத்தில் ஓசூர் அதியமான் பொறியியல் கல்லுாரி அணி டைபிரேக்கர் முறையில் 5--4 என்ற கோல் கணக்கில் சென்னை பட்டாபிராம் ஸ்ட்ரைக்கர்ஸ் ஹாக்கி அணியை வென்றனர். 2வது போட்டியில் வாடிப்பட்டி எவர் கிரேட் ஹாக்கி கிளப் அணி 4- - - 0 என்ற கோல் கணக்கில் சென்னை ஜெய் ஹாக்கி அகாடமி அணியை வென்றனர்.3வது போட்டியில் மதுரை ஜி.கே. மோட்டார் அணி 6 - -0 என்ற கோல் கணக்கில் சென்னை சாய் ஹாக்கி அணியை வென்றனர். 4வது போட்டியில் தென் மண்டல போலீஸ் அணி 5 - -0 என்ற கோல் கணக்கில் துாத்துக்குடி பிலிப்ஸ் ஹாக்கி அணியை வென்றனர். இன்றும் போட்டிகள் நடக்கின்றன.