ரூ.2 லட்சத்திற்கு கொப்பரை ஏலம்
மல்லசமுத்திரம், நவ. 9-திருச்செங்கோடு வேளாண்மை உற்பத்தியாளர்கள் கூட்டுறவு விற்பனை சங்கம், மல்லசமுத்திரம் கிளையில் வாரந்தோறும் வெள்ளிக்கிழமை, கொப்பரை தேங்காய் ஏலம் நடக்கிறது. அதன்படி, நேற்று நடந்த ஏலத்தில், மொத்தம், 45 மூட்டை கொப்பரை தேங்காயை விவசாயிகள் விற்பனைக்கு கொண்டு வந்தனர். இதில், முதல் தரம் கிலோ, 100.80 ரூபாய் முதல், 124.75 ரூபாய்; இரண்டாம் தரம், 73.10 ரூபாய் முதல், 99.80 ரூபாய் என, 2 லட்சம் ரூபாய்க்கு விற்பனையானது. அடுத்த ஏலம் வரும், 15ல் நடக்கிறது.