முட்டை விலை அதிகரிப்பு விலை 510 காசாக நிர்ணயம்

நாமக்கல்: தமிழகம், கேரளாவில், முட்டை விலை, 510 காசாக நிர்ணயம் செய்யப்பட்டுள்ளது.தேசிய முட்டை ஒருங்கிணைப்புக்குழு கூட்டம் நாமக்கல்லில் நேற்று நடந்தது. முட்டை உற்பத்தி, மார்க்கெட்டிங் நிலவரம் குறித்து பண்ணையாளர்கள் விவாதித்தனர். இதை தொடர்ந்து, 500 காசுக்கு விற்கப்பட்ட முட்டை விலையை, 10 காசு உயர்த்தி, 510 காசாக நிர்ணயம் செய்யப்பட்டது. நாட்டின் பிற மண்டல முட்டை விலை விபரம் (காசுகளில்): சென்னை, 530, ைஹதராபாத், 465, விஜயவாடா, 460, பர்வாலா, 421, மும்பை, 520, மைசூர், 550, பெங்களூரு, 540, கொல்கத்தா, 480, டில்லி, 450 என, நிர்ணயம் செய்யப்பட்டுள்ளது. இதேபோல் நாமக்கல்லில் நடந்த பண்ணையாளர், வியாபாரிகள் ஒருங்கிணைப்புக்குழு கூட்டத்தில் ஒரு கிலோ, 90 ரூபாய்க்கு விற்கப்பட்ட முட்டைக்கோழி விலையில் மாற்றம் செய்யவில்லை.பல்லடத்தில் நடந்த உற்பத்தியாளர் ஒருங்கிணைப்புக்குழு கூட்டத்தில், ஒரு கிலோ, 127 ரூபாய்க்கு விற்பனையான கறிக்கோழி விலை, 129 ரூபாயாக நிர்ணயம் செய்தனர்.