தேய்பிறை அஷ்டமி கால பைரவருக்கு பூஜை

குளித்தலை: குளித்தலை அடுத்த, சிவாயம் சிவபுரீஸ்வரர் கோவிலில் தேய்பிறை அஷ்டமியை முன்னிட்டு கால பைரவருக்கு சிறப்பு ஹோம பூஜை நடந்தது.தொடர்ந்து கால பைரவருக்கு தயிர், பால், நெய், இளநீர், பன்னீர், பஞ்சாமிர்தம் உள்ளிட்ட, 21 வகையான திரவியங்களால் சிறப்பு அபிஷேகம் நடைபெற்றது. பின் மகா தீபாராதனை காட்டப்பட்டது. கால பைரவருக்கு பூக்களால் அலங்காரம் செய்யப்பட்டு, சிறப்பு அபிஷேக ஆராதனை நடந்தது. அனைவருக்கும் அன்னதானம் வழங்கப்பட்டது. இதேபோல் கடம்பவனேஸ்வரர், அய்யர்மலை ரெத்தினகிரீஸ்வரர், ஆர்.டி.மலை விராச்சி ஈஸ்வரர், மேட்டுமருதுார் ஆரா அமுதீஸ்வரர் உள்ளிட்ட சிவாலயங்களில் கால பைரவருக்கு தேய்பிறை அஷ்டமி பூஜை நடந்தது.