ஆலையில் திருடியவர் கைது

மோகனுார்: மோகனுாரில், சேலம் கூட்டுறவு சர்க்கரை ஆலை செயல்பட்டு வருகிறது. இதில், சுற்று வட்டாரத்தை சேர்ந்த ஏராளமான தொழி-லாளர்கள் பணியாற்றி வருகின்றனர். இந்நிலையில், ஆலை வளாகத்தின் இருந்த சில பொருட்கள், கடந்த சில நாட்களாக தொடர்ந்து காணாமல் போனதாக புகார் எழுந்தது. இதுகுறித்து, சர்க்கரை ஆலை நிர்வாகத்தினர், மோகனுார் போலீசில் புகாரளித்தனர். புகார்படி, போலீசார் விசா-ரணை நடத்தினர். விசாரணையில், ஆலை மெக்கானிக்கல் பிரிவில் பணியாற்றி வரும், மணப்பள்ளி பஞ்., சென்னாக்கல்பு-துாரை சேர்ந்த செல்வம், 53, என்பவர் பொருட்களை திருடி சென்றது தெரியவந்தது. அதைதொடர்ந்து, அவரை பிடித்து விசாரணை செய்ததில், பொருட்களை திருடி சென்றதை ஒப்புக்கொண்டார். அவரை கைது செய்த போலீசார், அவரிடம் இருந்து, 4.5 கிலோ பித்தளை பொருட்களை மீட்டனர்.