ரூ.35 லட்சத்துக்கு பருத்தி வர்த்தகம்

நாமக்கல் : நாமக்கல் வேளாண் உற்பத்தியாளர்கள் கூட்டுறவு விற்பனை சங்கத்தில், 35 லட்சம் ரூபாய்க்கு பருத்தி ஏலம் நடந்தது.நாமக்கல் -- திருச்செங்கோடு சாலையில் செயல்படும் வேளாண் உற்பத்தியாளர்கள் கூட்டுறவு விற்பனை சங்க வளாகத்தில், வாரம்தோறும் செவ்வாய்க்கிழமை பருத்தி ஏலம் நடக்கும். அதன்படி, நேற்று நடந்த ஏலத்தில், 1,430 பருத்தி மூட்டைகளை விவசாயிகள் விற்பனைக்கு கொண்டு வந்திருந்தனர். இதில், ஆர்.சி.ஹெச்., ரக பருத்தி குவிண்டால், 7,161 ரூபாய் முதல், 7,511 ரூபாய், சுரபி ரகம், 8,561 ரூபாய் முதல், 8,999 ரூபாய், கொட்டு மட்ட ரகம், 4,109 ரூபாய் முதல், 4,955 ரூபாய் என, மொத்தம், 35 லட்சம் ரூபாய்க்கு பருத்தி விற்பனையானது.