முட்டை விலை 10 காசு உயர்வு

நாமக்கல்:தேசிய முட்டை ஒருங்கிணைப்புக்குழு கூட்டம் நாமக்கல்லில் நேற்று நடந்தது. முட்டை உற்பத்தி மார்க்கெட்டிங் நிலவரம் குறித்து பண்ணையாளர்கள் விவாதித்தனர். இதையடுத்து 565 காசுக்கு விற்ற முட்டை விலையை 10 காசுகள் உயர்த்தி 575 காசாக நிர்ணயித்தனர். மழை, குளிரால், நுகர்வு அதிகரித்துள்ளதால் முட்டை கொள்முதல் விலை உயர்ந்துள்ளது. நாட்டின் பிற மண்டல முட்டை விலை நிலவரம் - காசுகளில்: சென்னை 610, ஐதராபாத் 600, விஜயவாடா 605, பர்வாலா 619, மும்பை 660, மைசூரு 612, பெங்களூரு 610, கோல்கட்டா 665, டில்லி 650 காசுகள். அதேசமயம் முட்டைக்கோழி கிலோ 97 ரூபாய், கறிக்கோழி கிலோ 95 ரூபாய் என பழைய விலையே நிர்ணயிக்கப்பட்டது.