இலவச கண் சிகிச்சை முகாம்

ப.வேலுார் : ப.வேலுார் அரிமா சங்கம் சார்பில் வரும், 5ல் இலவச கண் சிகிச்சை முகாம், ப.வேலுார் பள்ளி சாலையில் உள்ள அரிமா சங்க வளாகத்தில் நடக்கிறது.முகாமில், கண் சம்பந்தப்பட்ட அனைத்து பிரச்னைகளுக்கும் இலவசமாக சிகிச்சை அளிக்கப்படுகிறது. மேலும் ரத்தத்தில் சர்க்கரை அளவு, உடலில் உள்ள ரத்தக்கொதிப்பு அளவு, மற்றும் கண்ணில் பிரஷரின் அளவு ஆகியவை இலவசமாக பரிசோதனை செய்யப்படுகிறது. கண் அறுவை சிகிச்சை தேவைப்படுபவர்களுக்கு, மதுரைக்கு அரிமா சங்கம் சார்பில் அழைத்துச் சென்று இலவசமாக கண் அறுவை சிகிச்சை நடக்கிறது. பஸ் வசதி, மருந்து, கண் கண்ணாடி, உணவு வசதி அனைத்து ஏற்பாடுகளையும் ப.வேலூர் அரிமா சங்கம் சார்பில் இலவசமாக நடக்கிறது. முகாமில் கலந்து கொள்பவர்கள் ஆதார் கார்டு, ரேஷன் கார்டு ஜெராக்ஸ் கொண்டு வர வேண்டும். பரமத்தி வேலூர் தாலுகாவை சேர்ந்த பொதுமக்கள் இந்த வாய்ப்பை பயன்படுத்திக் கொள்ள வேண்டும்.