ரூ.7 லட்சத்திற்கு ஆடுகள் வர்த்தகம்
எருமப்பட்டி: எருமப்பட்டி யூனியன், பவித்திரத்தில் வாரந்தோறும் திங்கட்கிழமை ஆட்டுச்சந்தை நடக்கிறது. இந்த சந்தைக்கு, எருமப்பட்டி, கஸ்துாரிப்பட்டி, முட்டாஞ்செட்டி உள்ளிட்ட பகுதிகளில் இருந்து, விவசாயிகள் தங்கள் வளர்க்கும் ஆடுகளை விற்பனைக்கு கொண்டு வருகின்றனர். அதேபோல், குளித்தலை, தொட்டியம் உள்ளிட்ட பகுதிகளில் இருந்து வரும் வியாபாரிகள், இறைச்சிக்கடைகளுக்கு தேவையான ஆடுகளை வாங்கி செல்கின்றனர். அதன்படி, நேற்று நடந்த பவித்திரம் சந்தைக்கு ஆடுகள் வாங்கி செல்ல வியாபாரிகள் அதிகளவில் வந்ததால், 7 லட்சம் ரூபாய்க்கு ஆடுகள் விற்பனையாகின.