மாவட்டத்தில் 5 நாட்களுக்கு மிதமான மழைக்கு வாய்ப்பு

நாமக்கல், நாமக்கல் மாவட்டத்தில், இன்று முதல், ஐந்து நாட்களுக்கு மிதமான மழை பெய்ய வாய்ப்புள்ளது என, நாமக்கல் கால்நடை மருத்துவ கல்லுாரியில் உள்ள வானிலை ஆய்வு மையம் தெரிவித்துள்ளது. இதுகுறித்து, வெளியிட்ட செய்திக்குறிப்பு: நாமக்கல் மாவட்டத்தில், கடந்த வாரம் ஒரு சில இடங்களில் மழை பெய்தது. பகல் நேர வெப்பநிலை, 32 டிகிரி செல்ஷியஸ், இரவில், 25 டிகிரி செல்ஷியஸ் என்ற அளவில் நிலவியது. இன்று முதல், 23 வரை, ஐந்து நாட்கள், அதிகபட்ச பகல்நேர வெப்பநிலை, 28 டிகிரி செல்ஷியஸ் வரை இருக்கும். குறைந்தபட்ச இரவு நேர வெப்பநிலை, 24 முதல், 25 டிகிரி செல்ஷியசாக இருக்கும். வானம் மேகமூட்டத்துடன் காணப்படும். காற்றின் ஈரப்பதம், 60 முதல், 70 சதவீதம் வரை இருக்கும். மாவட்டத்தில் இன்று, 15 மி.மீ., நாளை, 10 மி.மீ., 21ல், 8 மி.மீ., 22ல், 10 மி.மீ., 23ல், 10 மி.மீ., என்ற அளவில் மழை பெய்ய வாய்ப்புள்ளது.இவ்வாறு அதில் கூறப்பட்டுள்ளது.