மின் தடையால் மக்கள் அவதி
வெண்ணந்துார், ராசிபுரம் துணை மின் நிலையத்தில் இருந்து கட்டனாச்சம்பட்டி, ஆர்.புதுப்பாளையம், கல்லாங்குளம் உள்ளிட்ட கிராமங்களுக்கு மின் சப்ளை செய்யப்படுகிறது.இந்நிலையில், கட்டனாச்சம்பட்டி, ஆர்.புதுப்பாளையம், கல்லாங்குளம் உள்ளிட்ட பஞ்.,களிலும், சுற்றுப்புற பகுதிகளில் உள்ள கிராமங்களிலும், நேற்று இரவு, 7:45 மணி முதல், 9:30 மணி வரை மின் தடை ஏற்பட்டது. தற்போது, ராசிபுரம் சுற்றுவட்டார பகுதியில் உள்ளூர் மாரியம்மன் கோவில் திருவிழா நடந்து வருகிறது. இந்நிலையில் மின்தடை ஏற்பட்டதால், கிராமத்தினர் கடும் அவதிக்குள்ளாகினர்.