டி.என்.பி.எஸ்.சி., குரூப் 2, 2ஏ தேர்விற்கு இலவசப் பயிற்சி

ராமநாதபுரம் : ராமநாதபுரம் பட்டணம்காத்தான் 'டி' பிளாக் ரோட்டில் உள்ள மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில், டி.என்.பி.எஸ்.சி., குரூப் 2, 2ஏ தேர்விற்கு நேற்று (ஜூலை 5) முதல் இலவசப் பயிற்சி வகுப்பு நடக்கிறது.தமிழ்நாடு அரசுப் பணியாளர் தேர்வாணைய ஒருங்கிணைந்த குடிமைப் பணிகள் தேர்வு குரூப் -2 வில் 507, குரூப் - 2ஏவில் 1830 காலிப்பணியிடங்கள் நிரப்ப அறிவிப்பு வெளியாகியுள்ளது. இத்தேர்விற்கு விண்ணப்பிக்க ஜூலை 19 கடைசி நாளாகும்.தற்போது செப்.,14ல் நடைபெறவுள்ள முதநிலை தேர்விற்கான இலவச நேரடி பயிற்சி வகுப்புகள் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் நேற்று (ஜூலை 5) முதல் நடக்கிறது. பங்கேற்க விருப்பமுள்ள போட்டித்தேர்வுக்கு தயாராகும் இளைஞர்கள் தங்களது புகைப்படம் மற்றும் தேர்வுக்கு விண்ணப்பித்த விபரங்களுடன் கலந்து கொள்ளலாம்.இப்பயிற்சி தொடர்பாக ராமநாதபுரம் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தை நேரில் அல்லது 80721 79557 என்ற அலைபேசி எண்ணிலோ தொடர்பு கொண்டு முன்பதிவு செய்யலாம் என மாவட்ட வேலைவாய்ப்பு அலுவலர் மதுக்குமார் தெரிவித்துள்ளார்.