வாக்காளர் பட்டியல் திருத்தம் இன்று கடைசி சிறப்பு முகாம்

ராமநாதபுரம்: வாக்காளர் பட்டியல் சிறப்பு தீவிர திருத்தம் விண்ணப்பம் நிரப்புவற்கான கடைசி சிறப்பு முகாம் இன்று (நவ.30) நடக்கவுள்ளது. ராமநாதபுரம் மாவட்டத்தில் உள்ள வீடுகளில் ஓட்டுச்சாவடி நிலை அலுவலர்கள் மூலம் கணக்கீட்டு படிவங்கள் வழங்கப்பட்டுள்ளது. தற்போது பூர்த்தி செய்த விண்ணப்பங்கள் திரும்பப்பெறும் பணி நடந்து வருகிறது. படிவங்களை பூர்த்தி செய்வதற்காக 800 ஓட்டுச்சாவடிகளில் தன்னார்வலர்கள் மூலம் சிறப்பு முகாம் அமைக்கப்பட்டது. கடைசி சிறப்பு உதவி மையம் இன்று (நவ.30) நடைபெறவுள்ளது. முழுமையாக நிரப்பாத கணக்கீட்டு படிவத்தை முகாமில் உள்ள உதவி மைய அலுவலர்கள் மூலம் நிரப்பி கொள்ளலாம். கணக்கீட்டு படிவத்தை முழுமையாக நிரப்பாமல் கையொப்பமிட்டு வழங்கினாலும் வாக்காளரின் பெயர் வரைவு வாக்காளர் பட்டியலில் இடம்பெறும். அதனால் உடனடியாக கணக்கீட்டு படிவத்தை டிச.4 க்குள் சமர்ப்பிக்க வேண்டும். கணக்கீட்டு படிவங்களை திரும்ப வழங்கவில்லை என்றால் வரைவு வாக்காளர் பட்டியலில் பெயர் இடம்பெறாது என கலெக்டர் சிம்ரன்ஜீத் சிங் காலோன் தெரிவித்துள்ளார்.