ஆசிரியையிடம் 6 பவுன் பறிப்பு

சேலம் சேலம், இரும்பாலை, மோகன் நகரை சேர்ந்தவர் தீபாகுமாரி, 50. அதே பகுதியில் உள்ள தனியார் பள்ளியில் ஆசிரியையாக பணிபுரிகிறார். நேற்று மாலை, 6:30 மணிக்கு, 'டி.வி.எஸ்., பெப்ட்' மொபட்டில், சேலம் - தாரமங்கலம் பிரதான சாலையில் சென்றுகொண்டிருந்தார். அப்போது பைக்கில் வந்த, 2 பேர், தீபாகுமாரியை வழிமறித்து நிறுத்தி, அவர் அணிந்திருந்த, 7 பவுன் தாலி கொடி சங்கிலியை பறிக்க முயன்றனர். தீபாகுமாரி, சங்கிலியை பிடித்து கூச்சலிட்டார். ஆனாலும் அவரது சங்கிலியை பறித்து தப்பினர். இதில், முக்கால் பவுன் மட்டும் கையில் சிக்க, 6.2 பவுன் பறிபோனது. இதுகுறித்து தீபாகுமாரி புகார்படி, இரும்பாலை போலீசார் விசாரிக்கின்றனர்.