கோடை விடுமுறை நெரிசலை குறைக்க சிறப்பு ரயில் அறிவிப்பு

சேலம்:கோடை விடுமுறை நெரிசலை குறைக்க, சேலம் வழியே சிறப்பு ரயில் அறிவிக்கப்பட்டுள்ளது. அதன்படி மும்பை - கன்னியாகுமரி வார ரயில், மே, 7 முதல் ஜூன், 26 வரை புதன்தோறும் அதிகாலை, 12:30க்கு புறப்பட்டு, மந்திராலயம் சாலை, தர்மாவரம், பங்காருப்பேட்டை, திருப்பத்துார், சேலம், நாமக்கல், கரூர், திண்டுக்கல், மதுரை வழியே, வியாழன் மதியம், 1:15க்கு கன்னியாகுமரியை அடையும். வியாழன் அதிகாலை, 4:10க்கு சேலம், 5:18க்கு நாமக்கல் ஸ்டேஷன் வந்து செல்லும்.மறுமார்க்க ரயில், மே, 8 முதல் ஜூன், 26 வரை, வியாழன் மதியம், 3:30க்கு கிளம்பி, சனி அதிகாலை, 4:15க்கு மும்பையை அடையும். வியாழன் இரவு, 11:42க்கு நாமக்கல், 1:00 மணிக்கு சேலம் வந்து செல்லும்.ரயில் இயக்க மாற்றம்கரூர் - திருச்சி வழியில், வைரராக்கியம் - மாயனுார் ஸ்டேஷன்கள் இடையே பாலம் அமைக்கும் பணி நடக்க உள்ளது. இதனால் ஏப்., 24(இன்று), 26, 29 காலை, 6:00 மணிக்கு புறப்படும் மயிலாடுதுறை - சேலம் ரயில், மாயனுார் வரை மட்டும் இயக்கப்படும். மாயனுார் முதல் சேலம் வரை ரத்து செய்யப்படுகிறது. மறுமார்க்கத்தில் அன்று மதியம், 2:05க்கு கிளம்ப வேண்டிய சேலம் - மயிலாடுதுறை ரயில், 3:40க்கு கரூரில் இருந்து கிளம்பும். சேலம் முதல் கரூர் வரை ரத்து செய்யப்படுகிறது. அதேபோல் ஏப்., 24(இன்று), 26, 29 காலை, 6:30 மணிக்கு புறப்படும் பாலக்காடு டவுன் - திருச்சி ரயில், கரூர் வரை மட்டும் இயக்கப்படும். கரூர் முதல் திருச்சி வரை ரத்து செய்யப்படுகிறது. இத்தகவலை, சேலம் ரயில்வே கோட்ட நிர்வாகம் அறிவித்துள்ளது.