கொப்புடையநாயகி அம்மன் கோயில் திருவிழா துவக்கம்

காரைக்குடி: காரைக்குடி கொப்புடையநாயகி அம்மன் கோயில் செவ்வாய் திருவிழாவை முன்னிட்டு காப்புகட்டும் நிகழ்ச்சி நடந்தது. தொடர்ந்து இரவு, அம்பாள் சிம்ம வாகனத்தில் வீதி உலா வந்தார். விழா நாட்களில் தினமும் காலை 9:00 மணிக்கு வெள்ளிக்கேடயத்தில் அம்பாள் புறப்பாடும் பக்தி உலாவும் இரவு தீபாராதனை பல்வேறு வாகனங்களில் வீதி உலா நிகழ்ச்சி நடக்கிறது.தேரோட்டம் மே 14ம் தேதி மாலை 5:00 மணிக்கு நடக்கிறது. தொடந்து காட்டம்மன் கோயிலுக்கு அம்பாள் எழுந்தருளும் நிகழ்ச்சியும், மே 15ம் தேதி காலை 9:00 மணிக்கு தேர் புறப்பட்டு கொப்புடையநாயகி அம்மன் கோயில் திரும்பும் நிகழ்ச்சியும் நடைபெறுகிறது. மே 16ம் தேதி மாலை தெப்பத்திருவிழாவும் மறுநாள் அதிகாலை புஷ்ப பல்லக்கும் நடைபெறுகிறது.