ஜூன் 12ல் முறையூர் கோயில் திருவிழா தொடக்கம்

சிங்கம்புணரி: சிங்கம்புணரி அருகே முறையூர் மீனாட்சி சொக்கநாதர் கோயில் ஆனித்திருவிழா ஜூன் 12 ல் துவங்குகிறது.சிவகங்கை தேவஸ்தானத்துக்கு உட்பட்ட இக்கோயில் ஆனித்திருவிழா ஜூன் 12ம் தேதி காலை 9:00 மணிக்கு கொடியேற்றத்துடன் தொடங்குகிறது. தொடர்ந்து பத்து நாள் மண்டகப்படியாக தினமும் இரவு பஞ்சமூர்த்திகள் புறப்பாடு நடக்கிறது. 6ம் திருவிழாவான ஜூன் 17ம் தேதி கழுவன் விரட்டு திருவிழாவும், 8ம் திருவிழாவான ஜூன் 19ம் தேதி மீனாட்சி சொக்கநாதருக்கு திருக்கல்யாணமும் நடக்கிறது.ஜூன் 20 ஆம் தேதி கோயில் தேரோட்டம் நடக்கிறது. 21 ஆம் தேதி தீர்த்த வாரி உற்சவம் நடக்கிறது. ஏற்பாடுகள் முறையூர் கிராமத்தார்கள், சிவகங்கை தேவஸ்தான அதிகாரிகள் செய்து வருகின்றனர்.