கலைத்திருவிழா போட்டி
தேனி : மாவட்டத்தில் வட்டார அளவிலான கலைத்திருவிழா போட்டிகள் நேற்று முன்தினம் துவங்கின. தேனியில் வட்டார வளமையம், பி.சி.,கான்வென்ட் மேல்நிலைப்பள்ளியில் கலைத்திருவிழா போட்டிகள் நடந்து வருகிறது. நேற்று பிளஸ் 1, பிளஸ் 2 மாணவர்களுக்கான தனிநபர் நடனம், குழுநடனம், ஓவியம் வரைதல், களிமண்சிற்பம் செய்தல், விழிப்புணர்வு நாடகம், பேச்சு, கட்டுரை உள்ளிட்ட போட்டிகள் நடந்தன. இதில் அரசு, உதவி பெறும் பள்ளிகளைச் சேர்ந்த மாணவர்கள் ஆர்வமுடன் பங்கேற்றனர். வட்டார அளவில் வெற்றி பெறும் மாணவர்கள் மாவட்ட அளவிலான போட்டிகளில் பங்கேற்க உள்ளனர்.