இன்ஸ்பெக்டருக்கு கொலை மிரட்டல் விடுத்த கட்சி நிர்வாகிகள் இருவர் கைது

--பெரியகுளம்: பெரியகுளம் டி.எஸ்.பி., அலுவலகத்தில் தென்கரை இன்ஸ்பெக்டர் அரங்கநாயகியை, அரசு பணி செய்ய விடாமல் தடுத்து கொலை மிரட்டல் விடுத்த அ.இ.பார்வர்டு பிளாக் கட்சி மாவட்ட இளைஞரணி இணை செயலாளர்கள் துரை, தனித்தை போலீசார் கைது செய்தனர். பெரியகுளம் டி.எஸ்.பி., அலுவலகத்தில் சப்-டிவிஷன் உட்பட்ட அனைத்து இன்ஸ்பெக்டர்கள், எஸ்.ஐ.,க்கள், போலீசார்கள் மாதாந்திர ஆய்வு கூட்டம் டி.எஸ்.பி., நல்லு தலைமையில் நடந்தது. ஜெயமங்கலம் எஸ்.ஐ., முருகப்பெருமாள், மேல்மங்கலம் மேலத்தெருவைச் சேர்ந்த தனித் 36, என்பவரை டி.எஸ்.பி., முன்பு விசாரணைக்கு ஆஜர்படுத்தினார். தனித் அ.இ.பார்வர்டு பிளாக் கட்சி மாவட்ட இளைஞரணி இணைச் செயலாளர். அப்போது அங்கு வந்த மாவட்ட இளைஞரணி இணைச் செயலாளரான பெரியகுளம் அழகர்சாமிபுரத்தைச் சேர்ந்த துரை 40. 'நான் தான் தனித்தை கூப்பிட்டு வந்தேன். நான் இல்லாமல் அவனை மட்டும் எப்படி விசாரிக்கலாம்,' என கேட்டு டி.எஸ்.பி., அலுவலகத்தில் இருவர் சத்தம் போட்டனர். டி.எஸ்.பி., இருவரையும் விசாரித்தார். அப்போது தென்கரை இன்ஸ்பெக்டர் அரங்கநாயகி அலுவலகத்தை விட்டு வெளியேறிய போது, இருவரும் அவரை அவதூறாக பேசி, அரசு பணி செய்ய விடாமல் தடுத்து கொலைமிரட்டல் விடுத்தனர். இன்ஸ்பெக்டர் அரங்கநாயகி புகாரில், வடகரை இன்ஸ்பெக்டர் கீதா புகாரில் துரை, தனித்தை கைது செய்தனர்.-