திருத்தணி முருகன் கோவிலில் 1,008 சங்காபிஷேகம்

திருத்தணி:திருத்தணி முருகன் மலைக்கோவிலில் நேற்று, மகா சிவராத்திரியை முன்னிட்டு, நான்கு கால பூஜைகள் மற்றும், 1,008 சங்காபிஷேகம் நடந்தது. நேற்று, மாலை 6:00 மணிக்கு மூன்று யாகசாலை அமைத்து கணபதி ஹோமம் நடந்தது.தொடர்ந்து, மூலவருக்கு முதற்கால சிறப்பு அபிஷேகம், பூஜை நடந்தது. இரவு 10:00 மணிக்கு இரண்டாம் கால அபிஷேகம், சிறப்பு பூஜை மற்றும் 1,008 சங்காபிஷேகம் நடைபெற்றது.இரவு 11:00 மணிக்கு மூலவருக்கு மூன்றாம் கால சிறப்பு அபிஷேகம், பூஜையும் நடந்தது. நள்ளிரவு 12:00 மணிக்கு வெள்ளி மயில் வாகனத்தில், உற்சவர் முருகப்பெருமான் வள்ளி, தெய்வானையுடன் எழுந்தருளி, வீதியுலா வந்து பக்தர்களுக்கு அருள்பாலித்தார்.அதிகாலை 4:00 மணிக்கு மூலவருக்கு நான்காம் கால அபிஷேகம், அலங்காரம் மற்றும் தீபாராதனை நடந்தது. சிவராத்திரியை முன்னிட்டு இரவு முழுதும் கோவில் நடை திறந்திருந்தது. இதில், ஆயிரக்கணக்கான பக்தர்கள் பங்கேற்று மூலவரை வழிபட்டனர்.