விவசாயி நலன் காக்கும் கூட்டம் திருவள்ளூரில் 26ல் நடக்கிறது

திருவள்ளூர்: திருவள்ளூர் மாவட்ட அளவிலான விவசாயிகள் நலன் காக்கும் கூட்டம், 26ல் நடக்கிறது.திருவள்ளூர் கலெக்டர் பிரபுசங்கர் விடுத்துள்ள செய்திக்குறிப்பு:திருவள்ளூர் கலெக்டர் அலுவலகத்தில், மாவட்ட அளவிலான விவசாயிகள் நலன் காக்கும் நாள் கூட்டம், வரும் 26 காலை 10:00 மணியளவில் நடக்கிறது.கூட்டத்தில் வேளாண்மை, தோட்டக்கலை, வேளாண் விற்பனை மற்றும் வணிகம், வேளாண்மை பொறியியல், கால்நடை பராமரிப்பு, மீன்வளம்; கூட்டுறவு, வங்கிகள், திருத்தணி கூட்டுறவு சர்க்கரை ஆலை, மின்வாரியம்; வருவாய், ஊரக வளர்ச்சி, பொதுப்பணி மற்றும் இதர வேளாண் சார்ந்த துறைகளின் மாவட்ட அளவிலான தலைமை அலுவலர்கள் அனைவரும் பங்கேற்க வேண்டும்.எனவே, திருவள்ளூர் மாவட்டத்தைச் சார்ந்த அனைத்து விவசாயிகளும் பங்கேற்று விவசாயம் சார்ந்த குறைகளுக்கு தீர்வு பெறலாம்.இவ்வாறு அதில் கூறப்பட்டுள்ளது.