அத்திப்பட்டு -- திருவள்ளூர் பேருந்து சேவை துவக்கம்

திருவாலங்காடு:திருவாலங்காடு ஒன்றியம் அத்திப்பட்டு ஊராட்சியில், 5,000த்திற்கும் மேற்பட்ட மக்கள் வசித்து வருகின்றனர். இப்பகுதி வாசிகள் கனகம்மாசத்திரம், திருவள்ளூர் உள்ளிட்ட பகுதிகளுக்கு செல்ல போக்குவரத்து வசதியின்றி சிரமம் அடைந்தனர்.எனவே, அத்திப்பட்டு -- திருவள்ளூருக்கு நாராயணபுரம் வழியாக பேருந்து இயக்க வேண்டும் என, 10 ஆண்டுகளாக கோரிக்கை விடுத்து வந்தனர்.இதையடுத்து, திருவள்ளூர் மண்டல போக்குவரத்து அதிகாரி, இந்த வழித்தடத்தில் பேருந்து இயக்க உத்தரவிட்டார்.அதை தொடர்ந்து, அத்திப்பட்டு - --திருவள்ளூருக்கு பேருந்து சேவையை துவக்கி வைக்கும் விழா நேற்று நடந்தது. இதை திருவள்ளூர் தி.மு.க., - எம்.எல்.ஏ., ராஜேந்திரன் கொடியசைத்து துவக்கி வைத்தார்.இந்த பேருந்து காலை மற்றும் மாலை வேளைகளில் இரண்டு நடை இயக்கப்பட உள்ளது. மேலும், திருவள்ளூர் - வரதாபுரம் சட்ட கல்லுாரி வரை இயக்கப்படும் பேருந்தை, அத்திப்பட்டு வரை இயக்க அப்பகுதியினர், எம்.எல்.ஏ.,விடம் கோரிக்கை வைத்தனர்.இதில், திருவள்ளூர் மண்டல போக்குவரத்து பொது மேலாளர் நெடுஞ்செழியன், திருவாலங்காடு தி.மு.க., ஒன்றிய செயலர் மகாலிங்கம் உட்பட ஏராளமானோர் பங்கேற்றனர்.