மாணவ- மாணவியர் உயர்கல்வி பயில சிறப்பு குறைதீர் கூட்டம்

திருவள்ளூர்:'' பிளஸ் 2 முடித்த மாணவ- மாணவியர் உயர்கல்வி பயில்வதற்காக, வரும் அக்., வரை 15 நாட்களுக்கு ஒரு முறை சிறப்பு குறைதீர் கூட்டம் நடத்தப்படும்,'' என, கலெக்டர் பிரதாப் தெரிவித்தார்.திருவள்ளூர் மாவட்டத்தில் நான் முதல்வன் திட்டத்தில், நடப்பு 2025-26ம் கல்வி ஆண்டில் பிளஸ் 2 வகுப்பு பயின்ற மாணவ- மாணவியர்களுக்கு, உயர்கல்வி பயில்வதற்கு ஆலோசனை மற்றும் வாய்ப்புகள் அளிப்பதற்காக, கண்காணிப்பு அறை கலெக்டர் அலுவலகத்தில் அமைக்கப்பட்டு உள்ளது. இந்த கண்காணிப்பு அறையின் செயல்பாடுகளை, கலெக்டர் பிரதாப் நேற்று பார்வையிட்டு ஆய்வு செய்தார்.அவர் கூறியதாவது:கண்காணிப்பு அறையில் உள்ள, 93444 10803, 75500 57547 என்ற தொலைபேசி எண் வாயிலாக, மாணவ- மாணவியர், பெற்றோர் தொடர்பு கொண்டு உயர்கல்வி வழிகாட்டுதல் சார்ந்த ஆலோசனை பெறலாம். 15 நாட்களுக்கு ஒரு முறை மாணவர்களுக்கான சிறப்பு குறைதீர் கூட்டம் நடத்தப்படும். வரும் அக்., 15 வரை சிறப்பு குறைதீர் கூட்டம் நடத்தப்படும்.இவ்வாறு அவர் கூறினார்.