தாம்பரம் - திருச்சிக்கு டிச., வரை சிறப்பு ரயில்கள்

சென்னை, பண்டிகை காலத்தையொட்டி, தாம்பரம் - திருச்சிக்கு, வாரந்திர சிறப்பு ரயில்கள் வரும் டிச., வரை இயக்கப்பட உள்ளது.இது குறித்து, தெற்கு ரயில்வே நேற்று வெளியிட்ட செய்திக்குறிப்பு: திருச்சியில் இருந்து வரும் 11 முதல் டிச., 31ம் தேதி வரை, செவ்வாய், புதன், வெள்ளி, சனி, ஞாயிற்றுகிழமைகளில் அதிகாலை 5:35 மணிக்கு புறப்படும் சிறப்பு ரயில்கள் , அதேநாளில் மதியம் 12:30 மணிக்கு தாம்பரம் வரும்.தாம்பரத்தில் இருந்து வரும் 11 முதல் டிச., 31ம் தேதி வரை செவ்வாய், புதன், வெள்ளி, சனி, ஞாயிறுகளில் மாலை 3:30 மணிக்கு புறப்படும் சிறப்பு ரயில்கள், அதேநாளில் இரவு 11:35 மணிக்கு திருச்சி செல்லும். இந்த சிறப்பு ரயில்களில் டிக்கெட் முன்பதிவு துவங்கி உள்ளது.இவ்வாறு அதில் கூறப்பட்டு உள்ளது.