பஸ் மீது 3 கார்கள் மோதி விபத்து நெடுஞ்சாலையில் டிராபிக் ஜாம்

மயிலம்: மயிலம் அருகே பஸ் பின்னால் கார் மோதி விபத்துக்குள்ளானதில் தேசிய நெடுஞ்சாலையில் போக்குவரத்து பாதித்தது.மயிலம் அடுத்த செண்டூரில் சென்னை - திருச்சி தேசிய நெடுஞ்சாலையில் நேற்று மதியம் 12:20 மணிக்கு திருச்சி நோக்கி அரசு பஸ் சென்றது. அப்போது திடீரென பஸ் டிரைவரின் பிரேக் பிடித்தார். அப்போது இதன் பின்னால் வந்த தனியார் பஸ் அரசு பஸ் பின்னால் மோதியது.தனியார் பஸ்சைத் தொடர்ந்து பின்னால் வந்த 3 கார்கள் ஒன்றுடன் ஒன்று மோதியது. இந்த விபத்தில் யாருக்கும் காயம் ஏற்படவில்லை. வாகனங்கள் மட்டும் சிறிது சேதமடைந்தன. இதனால், போக்குவரத்து பாதித்தது.சம்பவ இடத்திற்கு மயிலம் இன்ஸ்பெக்டர் கமலஹாசன் மற்றும் போலீசார் வாகனங்களை அப்புறப்படுத்தி போக்குவரத்தை சீர் செய்தனர். இதனால் அந்த சாலையில் 1:20 மணி வரை போக்குவரத்து பாதித்தது.