மழை பாதிப்பு பகுதிகளில் கலெக்டர் ஆய்வு 

வானுார்: கோட்டக்குப்பம், வானுார் பகுதிகளில் முன்னெச்சரிக்கை நடவடிக்கைகள் குறித்து கலெக்டர் ேஷக் அப்துல் ரஹ்மான் நேற்று ஆய்வு மேற்கொண்டார். புதுச்சேரி - சென்னை இ.சி.ஆரில் கோட்டக்குப்பம் அடுத்த சின்ன முதலியார்சாவடியில் கனமழை காரணமாக சாலையில் மழைநீர் தேங்கி நிற்கிறது. இதனால் வாகன ஓட்டிகள் சிரமம் அடைந்தனர். இதையடுத்து கலெக்டர் உத்தரவின் பேரில் அப்பகுதியில் கோட்டக்குப்பம் நகராட்சி மற்றும் நெடுஞ்சாலைத்துறை அதிகாரிகள், மின் மோட்டார் மூலம் தண்ணீரை வெளியேற்றினர். இப்பணியை கலெக்டர் ேஷக் அப்துல் ரஹ்மான் ஆய்வு செய்தார். தொடர்ந்து, அவரது உத்தரவின் பேரில் அனுமந்தை ஊராட்சியில் அரசு மேல்நிலைப்பள்ளியில் தொடர் மழை காரணமாக தங்க வைக்கப்பட்டுள்ள 11 குடும்பங்களைச் சேர்ந்த 40 பேருக்கு மதிய உணவு வழங்கப்பட்டது.