மயிலத்தில் தினமலர் -பட்டம் வினாடி - -வினா போட்டி

மயிலம்: மயிலம் சிவப்பிரகாசர் மேல்நிலைப் பள்ளியில் நடந்த 'தினமலர் -- பட்டம்' சார்பில் வினாடி -வினா போட்டி நடந்தது.'தினமலர் - பட்டம்' இதழ் மாணவர் பதிப்பை வெளியிட்டு வருகிறது. பள்ளி மாணவ மாணவிகளுக்கு பொது அறிவை வளர்க்கும் பொருட்டு வினாடிவினா போட்டியை நடத்தி வருகிறது.பல்வேறு சுற்று போட்டிகள் நடத்தப்பட்டு 16 பேர் தேர்வு செய்யப்பட்டு 8 அணிகளாக பிரிக்கப்பட்டு மூன்று சுற்றுகளாக போட்டி நடத்தப்பட்டது. மயிலம் சிவப்பிரகாசகர் பள்ளியின் செயலாளர் விஸ்வநாதன் தலைமை தாங்கி போட்டிகளில் வெற்றி பெற்றவர்களுக்கு தினமலர் நினைவு கேடையம், மெடல், சான்றிதழ்களை வழங்கி சிறப்புரையாற்றினார்.தலைமை ஆசிரியர் வீரப்பன் முன்னிலை வகித்தனர். வினாடி- - வினா போட்டியில் மூன்று சுற்று முடிவில் மாணவர்கள் 2 பேர் முதலிடம் பிடித்தனர். போட்டியில் பங்கேற்ற 8 அணி மாணவ மாணவியருக்கு மெடல் மற்றும் சான்றிதழ் வழங்கப்பட்டது. இதில் ஆசிரியர்கள் உட்பட பலரும் கலந்து கொண்டனர்.