அரசு பள்ளியில் இலவச சைக்கிள் வழங்கும் விழா

செஞ்சி : செஞ்சி அடுத்த சத்தியமங்கலம் அரசு மேல்நிலைப் பள்ளியில் 11ம் வகுப்பு மாணவர்களுக்கு விலையில்லா சைக்கிள் வழங்கும் விழா நடந்தது.ஊராட்சி தலைவர் அபர்ணா ரவிசங்கர், ஒன்றிய கவுன்சிலர் ஆரோக்கியராஜ் ஆகியோர் முன்னிலை வகித்தனர். தலைமை ஆசிரியர் ஜீவேந்திரன் வரவேற்றார் .செஞ்சி ஒன்றிய சேர்மன் விஜயகுமார், பேரூராட்சி சேர்மன் மொக்தியார் ஆகியோர் 11ம் வகுப்பு பயிலும் 255 மாணவ, மாணவிகளுக்கு விலையில்லா சைக்கிள்களை வழங்கினர்.ஒன்றிய கவுன்சிலர் பச்சையப்பன், துணைத் தலைவர் சித்ரா, பெற்றோர் ஆசிரியர் கழக தலைவர் சிற்றரசு, மேலாண்மைக் குழு தலைவர் அம்சரேகா மற்றும் ஆசிரியர்கள், மாணவ, மாணவியர்கள் பங்கேற்றனர். உதவி தலைமை ஆசிரியர் அருள்தாஸ் நன்றி கூறினார்.