மாணவிக்கு பாலியல் தொல்லை போக்சோவில் ஆசிரியர் கைது
செஞ்சி: மாணவிக்கு பாலியல் தொல்லை கொடுத்த ஆசிரியரை போலீசார் 'போக்சோ' சட்டத்தில் கைது செய்தனர்.விழுப்புரம் மாவட்டம், செஞ்சி அடுத்த பொன்பத்தி கிராமத்தைச் சேர்ந்தவர் சேகர், 59; மேல்மலையனுார் அரசு மேல்நிலைப் பள்ளியில் ஆசிரியராக பணிபுரிந்து வருகிறார். இவர் கடந்த 9ம் தேதி பள்ளியில் பிளஸ் 2 மாணவி ஒருவருக்கு பாலியல் தொல்லை கொடுத்துள்ளார். இது குறித்து மாணவி பெற்றோரிடம் கூறினார்.மாணவியின் தந்தை நேற்று செஞ்சி அனைத்து மகளிர் காவல் நிலையத்தில் புகார் செய்தார். அதன்பேரில் போலீசார் போக்சோ சட்டத்தில் வழக்குப் பதிந்து, ஆசிரியர் சேகரை கைது செய்தனர்.