சதுரகிரியில் பிரதோஷம் அமாவாசை வழிபாடு இன்று முதல் பக்தர்களுக்கு அனுமதி

ஸ்ரீவில்லிபுத்துார்: சதுரகிரி சுந்தர மகாலிங்கம் கோயிலில் ஐப்பசி மாத பிரதோஷம், அமாவாசை வழிபாட்டிற்கு இன்று (அக்.29) முதல் நவம்பர் 2 வரை ஐந்து நாட்கள் பக்தர்கள் சுவாமி தரிசனம் செய்ய அனுமதிக்கப்படுவார்கள் என கோயில் நிர்வாகம் தெரிவித்துள்ளது.இக்கோயிலில் இன்று (அக். 29) பிரதோஷ வழிபாடு, அக். 31, நவ. 1-ல் அமாவாசை வழிபாடும் நடக்கிறது.இதனை முன்னிட்டு இன்று முதல் நவ.. 2 வரை தினமும் காலை 7:00 மணி முதல் மதியம் 12:00 மணி வரை பக்தர்கள் மலையேறி சுவாமி தரிசனம் செய்ய வனத்துறை அனுமதித்துள்ளதாக கோயில் நிர்வாகத்தின் சார்பில் தெரிவிக்கப்பட்டுள்ளது.கோயிலுக்கு மலையேறும் வழிதடத்தில் உள்ள ஓடைகளில், தற்போது தண்ணீர் வரத்து உள்ள நிலையில், கனமழை பெய்தால் பக்தர்கள் மலையேற அனுமதிக்கப்பட மாட்டார்கள் எனவும் தெரிவிக்கப்பட்டுள்ளது.