நடிகை எம்.என்.ராஜத்தை சந்தித்த முதல்வர்
சென்னை:பழம் பெரும் நடிகை எம்.என்.ராஜம், முதல்வரை காண விருப்பம் தெரிவித்ததைத் தொடர்ந்து, முதல்வர் ஸ்டாலின் அவரை சந்தித்தார். நடிகை எம்.என்.ராஜம், சமீபத்தில் அவரது 90வது பிறந்தநாளைக் கொண்டாடினார். இவர் ரத்தக்கண்ணீர், புதையல், நாடோடி மன்னன் உள்ளிட்ட பல படங்களில் கதாநாயகியாகவும், வேறு சில படங்களில், குணச்சித்திரம் மற்றும் வில்லி பாத்திரங்களிலும் நடித்துள்ளார். அடையாறில் குடும்பத்துடன் வசித்து வரும் ராஜம், சமீபத்தில் அளித்த பேட்டியில், முதல்வரை சந்திக்க விரும்புவதாக தெரிவித்திருந்தார்.இதை அறிந்த முதல்வர் ஸ்டாலின், நேற்று தன் மனைவி துர்காவுடன், அடையாறில் உள்ள, எம்.என்.ராஜம் வீட்டிற்கு சென்று, அவரை சந்தித்து நலம் விசாரித்தார்.