வணிக சிலிண்டர் விலை ரூ.70 குறைப்பு

சென்னை: நாடு முழுவதும் வணிக பயன்பாட்டு சிலிண்டர் விலை 70.50 ரூபாய் குறைந்துள்ளது. வீட்டு சிலிண்டர் விலையில் மாற்றம் செய்யப்படவில்லைஇந்தியன் ஆயில், பாரத், ஹிந்துஸ்தான் பெட்ரோலியம் ஆகிய பொதுத் துறை எண்ணெய் நிறுவனங்கள், வீடுகளுக்கு, 14.20 கிலோ எடையிலும்; வணிக பயன்பாட்டிற்கு, 19 கிலோ எடையிலும், சமையல் காஸ் சிலிண்டர்களை வினியோகம் செய்கின்றன. இந்நிறுவனங்கள், சர்வதேச சந்தையில் கச்சா எண்ணெய் விலைக்கு ஏற்ப, மாதத்தின் முதல் நாளன்று உள்நாட்டில், சமையல் காஸ் சிலிண்டர் விலையில் மாற்றம் செய்கின்றன.தமிழகத்தில் கடந்த மாதம் வீட்டு சிலிண்டர், 818.50 ரூபாய்க்கு விற்பனையானது. இம்மாதம், அதன் விலையில் மாற்றம் செய்யப்படாமல், அதே விலை நிர்ணயம் செய்யப்பட்டு உள்ளது. இம்மாதம், வணிக சிலிண்டர் விலை, 70.50 குறைந்து, 1,911 ரூபாயில் இருந்து, 1,840.50 ரூபாயாக சரிவடைந்துள்ளது. அதன்படி, சென்னையில் ரூ.1,840.50க்கு விற்பனை ஆகிறது.