வணிக காஸ் சிலிண்டர் விலை குறைவு

சென்னை: பொதுத்துறையை சேர்ந்த இந்தியன் ஆயில், பாரத், ஹிந்துஸ்தான் பெட்ரோலியம் எண்ணெய் நிறுவனங்கள், வீடுகளுக்கு, 14.20 கிலோ எடையிலும், ஹோட்டல் உள்ளிட்ட வணிக பயன்பாட்டிற்கு, 19 கிலோ எடையிலும், சமையல் காஸ் சிலிண்டர்களை விற்பனை செய்கின்றன.இந்நிறுவனங்கள், சர்வதேச சந்தையில் நிலவும் கச்சா எண்ணெய் விலை நிலவரத்திற்கு ஏற்ப, மாதத்தின் முதல் நாளன்று, உள்நாட்டில் சமையல் காஸ் சிலிண்டர் விலையில் மாற்றம் செய்கின்றன. கடந்த மாதம், தமிழகத்தில் வீட்டு சிலிண்டர் விலை, 868.50 ரூபாய்க்கு விற்பனையானது. இம்மாதம் இந்த சிலிண்டர் விலை மாற்றப்படாமல், அதே விலையே நிர்ணயம் செய்யப்பட்டுள்ளது. இம்மாதம் வணிக சிலிண்டர் விலை, 25 ரூபாய் குறைக்கப்பட்டதால், 1,906லிருந்து, 1,881 ரூபாயாக குறைந்துள்ளது.