இறுதி வாக்காளர் பட்டியல்: தமிழகத்தில் 6.18 கோடி வாக்காளர்கள்

சென்னை: தமிழகத்தின் இறுதி வாக்காளர் பட்டியல் இன்று(ஜன.,22) வெளியிடப்பட்டது. அதன் படி மொத்த வாக்காளர்களின் எண்ணிக்கை 6 கோடியே 18 லட்சத்து 90 ஆயிரத்து 348ஆக உள்ளது. ஆண்களை விட 10 லட்சத்து 89 ஆயிரத்து 394 பெண் வாக்காளர்கள் கூடுதலாக உள்ளனர். இது குறித்து தலைமைத் தேர்தல் அதிகாரி நிருபர்களுக்கு சத்யபிரதா சாகு அளித்த பேட்டி: இறுதி வாக்காளர் பட்டியலை தேர்தல் துறையின் இணையதளத்திலும் பார்வையிடலாம்.வாக்காளர் பட்டியலின் இரண்டு நகல்கள், அங்கீகரிக்கப்பட்ட அரசியல் கட்சியினருக்கும் வழங்கப்பட்டுள்ளன. புதிதாக வாக்காளர் பட்டியலில் பெயர் இடம்பெறும் வாக்காளர்களுக்கு, பதிவுத் தபாலில் வாக்காளர் அடையாள அட்டைகள் மூன்று மாதங்களுக்குள் அனுப்பி வைக்கப்படும். இவ்வாறு அவர் கூறினார்.