மல்லிகை கிலோ ரூ 5000க்கு விற்பனை

மல்லிகை கிலோ ரூ.5 ஆயிரத்துக்கு விற்பனையாகிறது

திண்டுக்கல்: தொடர் மழை, வெண்பனி காரணமாக வரத்துக்குறைவால் திண்டுக்கல், நிலக்கோட்டை பூ மார்கெட்டில் பூக்கள் விலை கடுமையாக உயர்ந்தது. மல்லிகை பூ ரூ.5 ஆயிரத்துக்கு விற்பனையானது. திண்டுக்கல் சுற்றியுள்ள வெள்ளோடு, கலிக்கம்பட்டி உள்ளிட்ட கிராமங்களில் பூ விவசாயம் நடக்கிறது. தொடர்ந்து மழை பெய்து வருவதால் பூ விளைச்சல் பாதிக்கப்பட்டுள்ளது. இன்று முகூர்த்த நாள் என்பதால் விலை உயர்ந்தது. திண்டுக்கல் மார்க்கெட்டில் மல்லிகை பூ கிலோ ரூ.3500 முதல் ரூ.5 ஆயிரம் வரை விற்பனையானது. நிலக்கோட்டை மார்க்கெட்டில் மல்லி கிலோ ரூ.5000க்கு விற்பனையானது. முல்லை கிலோ 1700, ஜாதிப்பூ 1000, ஒட்டு ரக ரோஜா 350, சம்பங்கி 300 என விற் பனையானது.