வாஷிங்டன்: ஜெர்மனி, பிரிட்டன் பயணம் மூலம் தமிழகத்திற்கு ரூ.15,516 கோடி முதலீடுகள் கிடைத்துள்ளன என முதல்வர் ஸ்டாலின் அறிவித்துள்ளார். இது குறித்து சமூக வலைதளத்தில் முதல்வர் ஸ்டாலின் வெளியிட்டுள்ள பதிவில் கூறியிருப்பதாவது: லண்டனில் இருந்து உற்சாகமான செய்தி. இங்கிலாந்தை தளமாகக் கொண்ட இந்துஜா குழுமம், தமிழகத்தின் மின்சார வாகனச் சூழலில், பேட்டரி சேமிப்பு அமைப்புகளுக்காக ரூ. 7,500 கோடியை முதலீடு செய்யவுள்ளது. இதனால் ஆயிரத்திற்கு மேற்பட்டோருக்கு வேலைவாய்ப்புகள் கிடைக்கும். ஜெர்மனி, பிரிட்டன் பயணம் மூலம் தமிழகத்திற்கு ரூ.15,516 கோடி முதலீடுகள் கிடைத்துள்ளன.இது நமது இளைஞர்களுக்கு 17,613 வேலைவாய்ப்புகளை உருவாக்கும். ஈர்க்கப்பட்ட முதலீடுகள் வெறும் எண்ணிக்கை அல்ல. அவை வாய்ப்புகள், எதிர்காலம் மற்றும் கனவுகள். இது ஆட்சியில் உள்ள திமுகவிற்கு உத்வேகம் அளிக்கும். இவ்வாறு முதல்வர் ஸ்டாலின் கூறியுள்ளார்.
மஷாராட்டிரம் குஜராத் கர்நாடகா போன்ற மாநிலங்களில் லட்சக்கணக்கில் முதலீடுகள். இவர் ஆயிரக்கணக்கில் பெருமை பட்டுள்ளார். அதுவும் செயல் பாட்டுக்கு வந்தால்தான் நிச்சயம். போன வருடம் கூறியவை என்னவாயிற்று. இதுவரையில் வெள்ளை அறிக்கை இல்லை. இதுதான் திராவிட மாடல்