கனடா புதிய பிரதமர் ஆகிறார் மார்க் கார்னி; இவர் யார் தெரியுமா?

ஒட்டாவா: கனடா பிரதமர் ஜஸ்டின் ட்ரூடோ விலகலை தொடர்ந்து, கனடாவின் புதிய பிரதமராக மார்க் கார்னி தேர்வு செய்யப்பட்டுள்ளார்.கனடாவின் புதிய பிரதமராக இருந்த ஜஸ்டின் ட்ரூடோ கடந்த ஜனவரி 7ம் தேதி தனது பதவியை ராஜினாமா செய்தார். இந்நிலையில், லிபரல் கட்சியின் தலைவராக தேர்வாகி உள்ள மார்க் கார்னி கனடாவின் 24வது பிரதமராக பதவியேற்கிறார். கனடாவில் இந்தாண்டு அக்டோபர் மாதம் பொதுத்தேர்தல் நடைபெற உள்ளது. அதுவரை பிரதமராக மார்க் கார்னி நீடிப்பார். லிபரல் கட்சித் தலைவரான சச்சித் மெஹ்ரா, லிபரல் கட்சியின் தலைமைப் பதவிக்கான போட்டியில் முன்னாள் மத்திய வங்கித் தலைவரான மார்க் கார்னி வெற்றி பெற்றதாக அறிவித்துள்ளார்.

யார் இந்த மார்க் கார்னி ?

* மார்க் கார்னி கனடாவின் 24வது பிரதமராக பதவியேற்கிறார். இவருக்கு வயது (59).* 2008ம் ஆண்டு முதல் 2013ம் ஆண்டு வரை கனடா வங்கியின் 8வது கவர்னராக மார்க் கார்னி பணியாற்றி உள்ளார்.* லிபரல் கட்சியின் தலைமைப் பதவிக்கான போட்டியில் மார்க் கார்னி 1,31,674 ஓட்டுக்களை பெற்று வெற்றி பெற்றார். இது குறித்து மார்க் கார்னி கூறியதாவது: அமெரிக்கா, கனடா அல்ல. கனடா ஒருபோதும், ஒருபோதும் அமெரிக்காவின் ஒரு பகுதியாக இருக்காது. அமெரிக்கா நம் இயற்கை வளங்களையும், குடிநீரையும், நிலத்தையும், கூடவே முழு கனடா நாட்டையும் அடக்கி ஆள விரும்புகிறது. இது அவர்களுடைய நடவடிக்கையை பார்க்கும்போதே நமக்கு தெரிகிறது. அமெரிக்க அதிபர் டிரம்ப், கனடாவின் தொழிலாளர்களையும், குடும்பங்களையும், வணிகங்களையும் பாதிக்க வைக்கும் விஷயங்களை செய்து வருகிறார். இவ்வாறு அவர் கூறினார்.