அமெரிக்கா தேர்தல் : கமலா ஹாரிஸுக்காக ஏஆர் ரஹ்மான் இசை நிகழ்ச்சி
ADDED : 498 days ago
உலகமே எதிர்பார்க்கும் அமெரிக்கத் தேர்தல் அடுத்த மாதம் நவம்பர் 5ம் தேதி நடைபெற உள்ளது. அதிபர் பதவிக்கு ஜனநாயகக் கட்சி சார்பில் கமலா ஹாரிஸ், குடியரசு கட்சி சார்பில் டொனால்ட் டிரம்ப் ஆகியோர் போட்டியிடுகிறார்கள். இருவரது பிரச்சாரமும் தீவிரமாக நடந்து வருகிறது.
கமலா ஹாரிஸுக்கு ஆதரவாக ஆசிய அமெரிக்க பசிபிக் தீவுகள் விக்டரி பன்ட் என்ற அமைப்பு களம் இறங்கியுள்ளது. அதிபர் பதவியில் கமலா போட்டியிடுவதை கொண்டாடும் வகையில் அக்டோபர் 13ம் தேதி உலகத் தரம் வாய்ந்த இசை நிகழ்ச்சி ஒன்றை நடத்த உள்ளது. வீடுகளுக்கு நேரடியாக ஒளிபரப்பும் விதமாக அந்த நிகழ்ச்சியை எற்பாடு செய்துள்ளார்கள்.
அமெரிக்கத் தேர்தல் களத்தில் ஏஆர் ரஹ்மான் இசை நிகழ்ச்சியும் இடம் பெறுவது ஆச்சரியமான ஒன்று.