வேட்டையன் வில்லன் ராணாவை இயக்கும் பி.எஸ்.மித்ரன்!

இரும்புத்திரை, ஹீரோ, சர்தார் படங்களை தொடர்ந்து தற்போது சர்தார் - 2 படத்தை இயக்கி வருகிறார் பி. எஸ். மித்ரன். கார்த்தி இரண்டு வேடங்களில் நடிக்கும் இப்படத்தில் அவருடன் எஸ்.ஜே.சூர்யா, மாளவிகா மோகனன், ஆஷிகா ரங்கநாதன், சஜிஷா விஜயன் ஆகியோர் நடிக்கிறார்கள். யுவன் ஷங்கர் ராஜா இசையமைக்கும் இந்த படத்தை பிரின்ஸ் பிக்சர்ஸ் நிறுவனம் தயாரிக்கிறது.

இந்த படத்தை அடுத்து பாகுபலி வில்லன் ராணா நடிப்பில் தனது அடுத்த படத்தை தமிழ், தெலுங்கு, ஹிந்தி , கன்னடம், மலையாளம் என ஐந்து மொழிகளில் பான் இந்தியா படமாக இயக்குகிறார் மித்ரன். இப்படத்தை ராணாவே தயாரித்து நடிக்க உள்ளார். மேலும், ஏற்கனவே ஆரம்பம், பெங்களூரு நாட்கள், காடன், வேட்டையன் என பல தமிழ் படங்களில் ராணா நடித்திருக்கிறார்.