‛ரெட்ரோ' படத்தில் சூர்யா - ஸ்ரேயா நடன பாடல் காதலர் தினத்தில் ரிலீஸ்!
ADDED : 243 days ago
கங்குவா படத்தை அடுத்து கார்த்திக் சுப்புராஜ் இயக்கத்தில் சூர்யா நடித்திருக்கும் ‛ரெட்ரோ' என்ற படம் மே ஒன்றாம் தேதி திரைக்கு வருகிறது. இப்படத்தில் சூர்யாவுக்கு ஜோடியாக பூஜா ஹெக்டே நடித்துள்ளார். நடிகை ஸ்ரேயா, சூர்யாவுடன் ஒரு பாடலுக்கு நடனம் ஆடி இருக்கிறார். சந்தோஷ் நாராயணன் இசையமைத்திருக்கிறார். ஆக்சன் கலந்த காதல் கதையில் உருவாகியுள்ள இந்தப் படத்தின் டீசர் சமீபத்தில் வெளியான நிலையில், வருகிற காதலர் தினத்தன்று இப்படத்தில் சூர்யாவுடன் ஸ்ரேயா இணைந்து நடனமாடியுள்ள பாடல் வெளியாக உள்ளதாக தகவல்கள் வெளியாகியுள்ளன.
மேலும், இந்த படத்தை அடுத்து ஆர்.ஜே .பாலாஜி இயக்கும் தனது 45வது படத்தின் இரண்டாம் கட்ட படப்பிடிப்பில் தற்போது நடித்து வருகிறார் சூர்யா. இப்படத்தில் அவருக்கு ஜோடியாக ‛ஆறு' படத்திற்கு பிறகு மீண்டும் திரிஷா இணைந்திருக்கிறார்.