தமிழுக்கு வருகிறார் ஜான்வி கபூர்

மறைந்த நடிகை ஸ்ரீதேவியின் மூத்த மகளான ஜான்வி கபூர் ஹிந்தி படங்களில் நடித்து வந்த நிலையில், ஜூனியர் என்டிஆர் நடித்த ‛தேவரா' படத்தின் மூலம் தெலுங்கில் அறிமுகமானார். அந்த படம் வெற்றி பெற்ற நிலையில், அதன்பிறகு தற்போது ராம் சரண் நடிக்கும் ‛பெத்தி' என்ற படத்தில் நடித்து வருகிறார்.

இதையடுத்து அவரை தமிழுக்கு கொண்டு வரப்போகிறார் பா.ரஞ்சித். அடுத்தபடியாக, அட்டகத்தி தினேஷை நாயகனாக வைத்து தான் இயக்கும் படத்தில் ஜான்வி கபூரை நடிக்க வைக்கப்போவதாக கூறி வந்த இயக்குனர் பா.ரஞ்சித் தற்போது அவரிடத்தில் பேச்சுவார்த்தை நடத்தியுள்ளார். அதனால் விரைவில் தெலுங்கை தொடர்ந்து தமிழிலும் அறிமுகமாகப் போகிறார் ஜான்வி கபூர்.