விஜய் தரப்பின் பிரஷரால் வேகம் எடுக்கும் 'ஜனநாயகன்'

விஜய் நடிக்கும் கடைசி படம் என்று சொல்லப்படும் 'ஜனநாயகன்' படப்பிடிப்பு தீவிரமாக நடந்து வருகிறது. அதேசமயம், போஸ்ட் புரொடக்ஷன் பணிகளும் இன்னொரு பக்கம் நடந்து வருகிறது. இந்நிலையில், விஜய் சம்பந்தப்பட்ட காட்சிகளை ஜூன் மாதத்துக்குள் முடிக்க வேண்டும். அவர் மிகப்பெரிய அரசியல் திட்டத்தை ஜூன் மாதத்துக்குபின் செயல்படுத்த திட்டமிடுகிறார். முதலில் ஒரு பெரிய கூட்டம் அல்லது மாநாடு நடத்திவிட்டு அப்புறம், தமிழகம் முழுக்க பிரசாரம் செய்யப்போகிறார். தமிழகத்தில் சுற்றுப்பயணம் செய்யும்போது சினிமா பணிகளில் கவனம் செலுத்த முடியாது. ஆகவே, ஜூனில் அவர் சம்பந்தப்பட்ட சீன், பாடல்காட்சி, டப்பிங்கை முடித்துவிட வேண்டும் என்று விஜய் தரப்பு மூலம் படக்குழுவுக்கு சொல்லப்பட்டு இருக்கிறதாம். அதனால், ஜனநாயகன் பணிகள் இன்னும் வேகம் எடுக்கின்றன.