உள்ளூர் செய்திகள்

/ சினிமா / செய்திகள் / குட் பேட் அக்லி : 'ஓஎஸ்டி' விரைவில் ரிலீஸ்

குட் பேட் அக்லி : 'ஓஎஸ்டி' விரைவில் ரிலீஸ்


ஆதிக் ரவிச்சந்திரன் இயக்கத்தில், ஜிவி பிரகாஷ்குமார் இசையமைப்பில், அஜித், திரிஷா மற்றும் பலர் நடிப்பில் கடந்த ஏப்ரல் மாதம் வெளியான படம் 'குட் பேட் அக்லி'. படத்தை மிகவும் ஸ்டைலிஷாக எடுத்திருந்தார் இயக்குனர் ஆதிக் என அஜித் ரசிகர்கள் பாராட்டினார்கள். படத்தின் வெற்றிக்கு ஜிவி பிரகாஷ் பின்னணி இசையும் ஒரு காரணமாக அமைந்தது. பாடல்கள் பெரிய வரவேற்பைப் பெறவில்லை என்றாலும் பின்னணி இசை பலமாக அமைந்தது.

அப்படத்தின் 'ஓஎஸ்டி (ஒரிஜனல் சவுண்ட் டிராக்)' யை விரைவில் வெளியிட உள்ளதாகவும், அதற்கான மிக்சிங் வேலைகள் நடந்து வருவதாகவும் இசையமைப்பாளர் ஜிவி பிரகாஷ் அறிவித்துள்ளார். ஆதிக் அடுத்து இயக்கும் அஜித் படத்திற்கும் ஜிவி தான் கண்டிப்பாக இசையமைப்பார். அந்த அளவிற்கு இருவருக்குமான நட்பு உள்ளது. 'குட் பேட் அக்லி' வெளியாகி மூன்று மாதங்கள் ஆகிவிட்டது. அடுத்த அஜித் பட அப்டேட் இன்னும் வரவில்லை என்ற குறையை 'குட் பேட் அக்லி' ஓஎஸ்டி-யை வைத்து ஜிவி ஒரு அப்டேட் கொடுத்துள்ளார்.


தினமலர் சேனல்களுக்கு SUBSCRIBE செய்யுங்கள் !