‛டாக்ஸிக்' படத்தில் நாடியாவாக கியாரா அத்வானி!

மலையாள இயக்குனர் கீது மோகன்தாஸ் இயக்கத்தில் கே.ஜி.எப் பட புகழ் யஷ் அவரது 19வது படமாக 'டாக்ஸிக்' என்கிற படத்தில் நடித்து வருகிறார். இப்படத்தை கே.வி.என் நிறுவனம் தயாரிக்கின்றனர். யஷ்ஷிற்க்கு அக்கா கதாபாத்திரத்தில் நடிகை நயன்தாரா மற்றும் கதாநாயகியாக கியாரா அத்வானி, ஹூமா குரேஷி, ருக்மணி வசந்த் உள்ளிட்டோர் இணைந்து நடித்து வருகின்றனர் என ஏற்கனவே தகவல்கள் உள்ளது.

இப்படத்தை கன்னடம் மற்றும் ஆங்கிலம் என இரு மொழிகளில் படமாக்கி வருகின்றனர். இப்படம் 2026ம் ஆண்டு மார்ச் 19ம் தேதி அன்று திரைக்கு வருகிறது. இன்னும் இந்த படத்தின் படப்பிடிப்பு முழுவதும் நிறைவு பெறவில்லை. இந்த நிலையில் இன்று இந்த படத்தில் கியாரா அத்வானி, நாடியா என்கிற கதாபாத்திரத்தில் நடித்துள்ளதாக புதிய போஸ்டருடன் அறிவித்துள்ளனர்.