மார்ச் மாதத்திற்கு தள்ளிப்போகும் கருப்பு படம்!

ஆர்.ஜே. பாலாஜி இயக்கத்தில் சூர்யா 'கருப்பு' படத்தில் நடித்துள்ளார். இதனை டிரீம் வாரியர் பிக்சர்ஸ் நிறுவனம் தயாரிக்கின்றனர். இதில் த்ரிஷா கதாநாயகியாக நடித்துள்ளார். சுவாசிகா, சிவதா, யோகி பாபு, நட்டி நட்ராஜ் ஆகியோர் முக்கிய கதாபாத்திரங்களில் நடித்துள்ளனர்.

இந்நிலையில் இந்த படத்தின் சாட்லைட் உரிமையை ஜீ டிவி மிகப்பெரிய தொகைக்கு கைபற்றியுள்ளனர். இதைத்தொடர்ந்து இன்னும் இந்த படத்தின் டிஜிட்டல் உரிமைக்காக தயாரிப்பு நிறுவனம் நெட்பிளிக்ஸ் ஓடிடி நிறுவனத்துடன் பேச்சுவார்த்தை நடத்தி வருகின்றனர். இதனால் இப்படத்தை முதலில் 2026 ஜனவரி 23ம் தேதியன்று திரைக்கு கொண்டு வருவதாக தகவல்கள் பரவியது. தற்போது கருப்பு படத்தை 2026 மார்ச் 19ந் தேதியன்று படக்குழு திட்டமிட்டுள்ளதாக புதிய தகவல் வெளியாகியுள்ளது.