வடிவேலுக்கு ஜோடியாக நடிக்க தேடிவந்த 16 படங்களை மறுத்தேன்; நடிகை சோனா ஹைடன்

கவர்ச்சி நடிகை சோனா ஹைடன், 'குசேலன்' படத்தில் வடிவேலுவுக்கு ஜோடியாக நடித்திருந்தார். படத்தில் இவர்களது காமெடி காட்சி ரசிகர்களிடம் ரொம்பவே வரவேற்பை பெற்றது. இதனை தொடர்ந்து அடுத்தடுத்த படங்களில் இந்த ஜோடி தொடர்ந்து நடிப்பார்கள் என எதிர்பார்க்கப்பட்ட நிலையில் அப்படி எதுவும் நடக்கவில்லை. இந்த நிலையில் தான் சமீபத்திய பேட்டி ஒன்றில் அதற்கான காரணத்தை கூறியுள்ளார் சோனா.

இதுகுறித்து நடிகை சோனா கூறும்போது, “குசேலன் படத்தில் எங்கள் காமெடிக்கு கிடைத்த வெற்றியை தொடர்ந்து வடிவேலுவுடன் நடிப்பதற்கு மட்டும் பதினாறு படங்களுக்கு வாய்ப்பு தேடி வந்தது. ஆனால் அவை எதையுமே நான் ஒப்புக்கொள்ளவில்லை. காரணம் வடிவேலுவை சகித்துக் கொண்டு நடிப்பது என்பது ரொம்பவே கஷ்டமான ஒன்று. அது மட்டுமல்ல, யார் ஒருவரும் அவரை எளிதாக கையாண்டு விட முடியாது. அதுபோல இன்னும் வெளியே சொல்ல முடியாத பல விஷயங்கள் இருக்கின்றன. என்னை பொறுத்தவரை எனக்கு சுயமரியாதை தான் முதலில்.. மற்றதெல்லாம் அப்புறம்தான்” என்று கூறியுள்ளார்.