'பெத்தி' ரிலீஸ் தாமதமாகாது ; வதந்திகளுக்கு முற்றுப்புள்ளி வைத்த ராம்சரண்

தெலுங்கில் ராம்சரண் நடிப்பில் இயக்குனர் புச்சிபாபு சனா இயக்கத்தில் உருவாகியுள்ள படம் 'பெத்தி'. இந்த படத்தில் ஜான்வி கபூர் கதாநாயகியாக நடித்துள்ளார். முதலில் மார்ச் 27ம் தேதி வெளியாகும் என அறிவிக்கப்பட்டு பின்னர் ஏப்ரல் 30ம் தேதி இந்த படம் வெளியாகும் என அதிகாரப்பூர்வமான மறு அறிவிப்பு வெளியானது. இப்போது வரை இந்த அறிவிப்பில் மாற்றம் இல்லை. அதே சமயம் தெலுங்கு திரையுஉலகில் பெத்தி படத்தின் ரிலீஸ் தேதி மீண்டும் தள்ளிப் போகலாம் என்றும் சிலர் ஜூன் மாதம் தான் இந்த படம் வெளியாகும் என்றும் சில தகவல்களை சோசியல் மீடியாவில் வெளியிட்டு வந்தனர்.

அப்படி தவறான தகவலை சொன்னதற்காக 'சென்னை லவ் ஸ்டோரி' என்கிற படத்தில் தயாரிப்பாளர் கூட சமீபத்தில் வருத்தம் தெரிவித்தார். இந்த நிலையில் அந்த படக்குழுவினர் ராம்சரணை நேரில் சந்தித்து இந்த படத்திற்காக வாழ்த்து பெற்றுள்ளனர். இதுகுறித்து ராம்சரண் வெளியிட்டுள்ள வீடியோவில், “நீங்கள் உங்கள் படத்தின் ரிலீஸ் பணிகளை கவனியுங்கள். பெத்தி படத்தின் ரிலீஸ் தேதி எந்த விதத்திலும் தாமதமாகாது” என்று கூறியுள்ளார். இதன்மூலம் இதுவரை பெத்தி ரிலீஸ் தேதி குறித்து வெளியான வதந்திகளுக்கு முற்றுப்புள்ளி வைத்துள்ளார் ராம்சரண்.